Armin Laschet nýggjur formaður í CDU

Armin Laschet er valdur sum nýggjur formaður í týska stjórnarflokkinum, CDU. Tað varð avgjørt á talgildum landsfundi í dag, har 1.001 fólk høvdu fingið tillutað rætt at atkvøða um nýggja formannin.

Laschet fekk 521 atkvøður, tá komið var til aðru atkvøðugreiðsluna og atkvøðast skuldi millum Armin Laschet og Friedrich Merz, ið fekk 466 atkvøður.

Armin Laschet er stjórnarforseti í Nordrhein-Westfalen. Hann hevur verið ein dyggur stuðul hjá Merkel og verður sagdur at vera eins semjusøkjandi yvir miðjásina í týskum politikki, sum Angela Merkel.

Friedrich Merz hevur verið ein av mótsøðumonnunum hjá Merkel í flokkinum. Hann er eisini ógvuliga væl umtóktur millum vanligu limirnar í flokkinum, og var eisini líka við at vinna formansvalið í 2018. Nú trý ár seinni var hann aftur í uppskoti, men heldur ikki hesaferð eydnaðist tað at vinna.