Týskland verður afturlatið til hálvan februar

Angela Merkel, samveldiskanslari í Týsklandi, ætlar at leingja lógina, sum letur landið aftur, til hálvan februar.

Tað sæst í einum stjórnaruppskoti, skriva týska blaðið Bild og tíðindastovan Reuters.

Tað ber í sær, at flestu handlar og skúlar framvegis verða afturlatnir. 

Í dag fer samveldiskanslarin, Angela Merkel, at hitta umboð fyri teir ymsu landspartarnar.

83 milliónir fólk búgva í Týsklandi. Landið kom væl burtur úr fyrstu bylgjuni av koronufarsóttini, men síðstu mánaðirnar er talið av smittaðum og deyðum vaksið munandi.