Fáa tilboð um ókeypis koppseting

Sjúklingar, sum eru ávístir til viðgerðar uttanlands, og tey, sum fylja teimum, fáa tilboð um ókeypis koppseting móti koronu, áðrenn tey fara úr Føroyum. 

Tað sigur Kaj Leo Holm Johannesen, landsstýrismaður, í svari til Sirið Stenbeg, løgtingskvinnu. Hon spurdi eisini um tey, sum arbeiða á sjúklingahotellinum í Keypmannahavn.

Starvsfólkini á sjúklingahotellinum Tórshavn eru við í koppsetingini, sum región Hovedstaden skipar fyri. Tey blivu koppsett í síðstu viku, svarar landsstýrismaðurin.