Trivnaðarnevndin viðger bústaðarpakkan í dag

Trivnaðarnevndin fer longu í dag undir at viðgera bústaðapakkan hjá landsstýrinum.

Í dag fer nevndin at avgera, hvørjar innkallingar skulu gerast, tað er, hvør skal hava fundarboð frá nevndini.

Fyrsta viðgerð var í løgtinginum í gjár. Orðaskiftið var drúgvt, tað vardi í seks tímar.

Lógaruppskotið, sum kom í tingið 8.desember, gevur millum annað Bústøðum loyvi til læna 450 mió. kr. at byggja fyri.

Uppskotið skal eisini eggja privatum íleggjarum at seta pengar í bústaðabygging, tí Bústaðir skulu fáa treytir, sum geva grundarlag fyri kapping og samstarv við privatar íleggjarar.