Viðhaldsfólk sleppa ikki at mótmæla

Russland loyvir ikki, at viðhaldsfólk hjá fongslaða andstøðuleiðaranum, Aleksej Navalnyj, kunnu mótmæla í morgin og krevja, at hann verður leyslatin.

Tað verður noktað, tí at tey, sum skipa fyri, fara at øsa fólkið, verður sagt.

– Ætlanin, at halda almennar fundir, sum ikki eru góðkendir, og har fólk verða eggjað at mótmæla, verður skilt sum ein hóttan móti almennu skipanini. Tílíkt óskil verður steðgað beinanvegin, boðar løgreglan í Moskva frá.

Tað skrivar tíðindastovan, AFP. Kira Jarmysj, sum er talsfólk hjá Aleksej Navalnyj, er fongslað í níggju dagar, verður sagt á hennara Twitter-vangamynd.