Ítróttarnevnd skipað í Runavíkar kommunu

Ein nýggj nevnd er komin í Runavíkar kommunu, Ítróttarnevndin.

Í fyrstu Ítróttarnevndini eru Pauli Poulsen, sum er formaður, Sonni Lamhauge Petersen, næstformaður, og Terje Beinar Vestergaard.

Varalimir eru Sæunn Ólavsdóttir Hansen og Kaja Joensen.

Tey eru øll í býráðnum.

Tekniska nevnd og Umhvørvisnevndina eru lagdar saman í eina nevnd, sum eitur Tøkni- og Umhvørvisnevndin.

Neyðugt var at broyta kommunustýrisskipanina fyri, at hetta kundi bera til.

Samtykt var at broyta kommunustýrisskipanina á býráðsfundinum hósdagin í síðstu viku.