Meirvirðisgjaldið eisini endurrindast í 2023

Tað heldur Fíggjarnevndin, sum hevur broytt uppskotið hjá landsstýrinum um meirvirðisgjald og hitapumpur, so fult meirvirðisgjald verður endurgoldið í eitt ár meira enn landsstýrið ætlar.

Meirilutin, samgongan og Sjálvstýri, heldur, at helvtin av meirvirðisgjaldinum skal endurrindast í 2024 og 2025.

Minnilutin, andstøðan, heldur, at hálvt endurgjald eisini skal latast í 2026, 2027 og 2028. Landsstýrið ætlaði at lata hálvt endurgjald longu í 2023. 

Onnur viðgerð av uppskotinum um at endurrinda meirvirðisgjaldið millum annað fyri elriknar hitapumpur verður týsdagin í næstu viku.