Allarhelst val í Grønlandi

Alsamt meira bendir á, at grønlendingar skulu á val í næstum.

Sambært grønlendska kringvarpinum er meiriluti í grønlendska landstinginum fyri at skriva út val. 

Í løtuni verður tó bíðað eftir, hvør tekur fyrsta stigið, sum er at reisa uppskot um misálit á minniluta-landsstýrið.

- Vit vilja hava eitt val nú, og vit mæla til, at val verður útskrivað, sigur Jens Frederik Nielsen, formaður í Demokratunum, sum mánadagin fór úr samgonguni og nú er partur av andstøðuni.

Fleiri flokkar vilja hava val

Umframt Demokratarnar, so hava bæði Attasut og Inuit Ataqatigiit givið greitt til kennar, at flokkarnir vilja hava val nú.

Í landsstýrinum hjá Kim Kielsen eru nú bara Siumut og Nunatta Qitornai - og hesir báðir flokkar hava bara 11 av teimum tilsamans 31 sessunum í grønlendska landstinginum. 

Landstingið kemur saman aftur týsdagin, og vetrarsetan heldur fram til 2. mars.