Gera ikki mun á andlits- og støðumyndum

Dátueftirlitið ger ikki longur mun á andlitsmyndum og støðumyndum. 

Tað verður gjørt, eftir at Dáturáðið hevur viðgjørt spurningin. 

Ein andlitsmynd er ein mynd av einum ella fleiri fólkum, har tað er andlitið, sum skal vísast.

Ein støðumynd er ein mynd, sum avmyndar og lýsir eina støðu. 

Tað kunnu vera nógv fólk, sum eru á konsert, í einum skúlagarði ella í einum grindadrápi til dømis. 

Trupult at gera mun 

Nú er myndagóðskan blivin so góð, at trupult er at gera mun á andlitsmyndum og støðumyndum.

Tí ber betur til at eyðmerkja fólk á støðumyndum. 

Fólk skulu samtykkja, at myndir av teimum, tiknar í læknahølum, peningastovnum og barrum, verða almannakunngjørdar.

Men tey, sum taka myndir, eiga altíð at siga frá, at mynd verður tikin, so fólk fáa høvi til at bera seg undan.