Ætla at lata Havnará uppaftur

Í annaðkvøld fer Tórshavnar býráð at taka støðu til, um Havnará skal latast uppaftur.

Ítøkiliga skal støða takast til, um ein millión krónur skal játtast til at lýsa verkætlanina og til kanningar, og um heimild skal gevast at bjóða verkætlanina út.

Byggi- og býarskipanarnevndin, tekniska nevnd og fíggjarnevndin í kommununi, taka undir við tilmælinum, sum kemur til politiska viðgerð hóskvøldið.

Í fyrstu atløgu verður tað mett ráðiligt at lata strekkið millum Betri Banka og Vaglið uppaftur.

Lok varð lagt á Havnará í 1956.