Føroyar (aftur) koronufríar

bannari
26.02.2021 - 11:01
AktueltSamfelag
Føroyar (aftur) koronufríar
Nú er koronusmittan ikki í Føroyum. Tann seinasti, sum hevði smittuna, er frískur, og eingin tilburður varð staðfestur í gjár
 

 Tað vóru frálík boð at fáa, sigur Bárður á Steig Nielsen, løgmaður.

Hann leggur kortini dent á, at um vit vilja varðveita góðu støðuna, mugu vit framhaldandi ansa eftir. Koronasmittan kann bæði skjótt og brádliga taka dik á seg aftur.

Við útlitum fyri, at flest øll verða koppsett um tríggjar mánaðir, snýr tað seg um at halda fram við at taka neyðug fyrivarni.

658 tilburðir staðfestir tilsamans

Vit hava stórt sæð livað frítt og frælst í Føroyum, men kortini eru nakrar fáar avmarkingar eftir. Vit í landsstýrinum hyggja í løtuni eftir, hvørji stig eiga at verða tikin komandi mánaðirnar í mun til galdandi tilmæli.

– Við ongum smittaðum í løtuni og útlitunum fyri, at fleiri og fleiri verða koppsett, er grundarlag fyri at gera nakrar tillagingar. Seinni í komandi viku fara vit at kunna um ætlaðu broytingarnar, vísir løgmaður á.

Hetta er fyrstu ferð síðani 3. juli í fjør, at eingin koronusmitta er í Føroyum, skrivar løgmaður. Tilsamans 658 fólk hava fingið staðfest smittuna í Føroyum síðani fyrsta tilburðin 4. mars í 2020.

Er kopiera
Nýggjastu sendingar í ÚV
Nýggjastu sendingar í SV
Hósdag 26. januar
Foytar greyðir 1
151528
Týsdag 24. januar
Vísindavøka 2022
151430
Mánadag 23. januar
Møti úr Meinigheitshúsinum
151337
Sunnudag 22. januar
Hvør veit?
151287
Sunnudag 22. januar
Andakt við Tummas Jacobsen
151286