Binda bygningarnar saman fyri 72 mió. kr.

Binda bygningarnar saman fyri 72 mió. kr.
Samanbyggingin verður mett at kosta 43 mió. kr., men haraftrat skulu útvegast útgerð, tól og neyðgenerator fyri 29 mió. kr.
Nú skulu nýggi H-bygningurin og B-bygningurin á Landssjúkrahúsinum bindast saman
 
05.03.2021 - 14:01

Kaj Leo Holm Johannesen, landsstýrismaður í heilsumálum, hevur biðið løgtingið um heimild at binda H- og B-bygningarnar á Landssjúkrahúsinum saman og at keypa neyðgenerator, tól og útgerð fyri tilsamans 71, 8 milliónir kr. 

Landsstýrismaðurin sigur, at H-bygningurin er komin væl áleiðis, og nú skulu H- og B-bygningarnir bindast saman.

Tríggjar hæddir í báðum bygningunum skulu byggjast saman. Tað er í kjallarahædd, móttøkuhædd og á aðru hædd.

Kostnaðurin fyri samanbindingina verður mettur til slakar 43 milliónir kr.

Tilsamans eru gott og væl 500 rúm gjøgnumgingin, saman við brúkarum og ráðgevum, og komið er fram til, at tørvur er á tólum og útgerð fyri tilsamans 26 milliónir.

Neyðgeneratorurin verður mettur at kosta slakar tríggjar milliónir kr.

Sambært viðmerkingunum til uppskotið verður neyðugt við einari eykajáttan í ár til arbeiðið, sum skal verða liðugt samstundis sum flutt verður í nýggja H-bygningin. 

 

 

 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585