Ferðslan veksur...spakuliga

Ferðslan í Eysturoyartunlinum veksur. Men tað gongur spakuliga, sigur Teitur Samuelsen, stjóri í Eystur- og Sandoyartunlum við útvarpið.

Nýggjastu tølini vísa, at í februar koyrdu 3.897 bilar í miðal um samdøgrið í Eysturoyartunlinum. Tá ið tað var ókeypis at koyra, koyrdu fleiri enn 7.500 bilar í miðal ígjøgnum um samdøgrið.

Tillagingar ikki væntandi í næstum

Í Degi og viku 4. februar vórðu tølini gjørd upp viku fyri viku. Tey tølini vísa, at 3.764 bilar koyrdu ígjøgnum í viku fýra, sum var seinasta vikan í januar.

Nú er miðaltalið fyri allan februar 233 hægri. Vøkstur er á leiðini millum Hvítanes og Eysturoynna, ikki nakað serligt millum eystara og vestara arm á Eysturoynni.

Í hesi vikuni vórðu prísir tillagaðir fyri vørubilar, men aðrir bólkar skulu ikki vænta nakrar tillagingar enn, sigur Teitur Samuelsen, stóri í Eysturoyar- og Sandoyartunlum.