Farmagjøldini á politiskt stig

Ætlanin hjá Strandferðsluni at hækka farmagjøldini á Sandoyarleiðini 1. apríl kemur nú á politiskt stig.

Páll á Reynatúgvu, løgtingsmaður í Tjóðveldi, hevur sett Jørgeni Niclasen, landsstýrismanni í samferðslumálum, ein fyrispurning um málið.

Hann spyr, um tað er ein fyrisitingarlig ella politisk avgerð at boða frá hækkaðum gjøldum á Sandoyarleiðini, og um ætlanin eisini er at hækka ferðafólkagjøldini.

Páll á Reynatúgvu spyr eisini, um tað er vanligt, at Strandferðslan áleggur vinnu og ferðafólki hægri gjøld, um kommunan, har skipið liggur, krevur legugjald frá Strandferðsluni.

Páll á Reynatúgvu sigur, at tað gongur væl at bora Sandoyartunnilin, men neyðugt er at tryggja støðug viðurskifti fyri vinnulív og fólk á sjóvegis farleiðini, til koyrandi verður í tunlinum.