Várfrágreiðingin løgd fram hósdagin

Fyrrapartin hósdagin leggur Búskaparráðið fram várfrágreiðingina. Framløgan verður í Norðurlandahúsinum. 

Heimligi eftirspurningurin er stórur, rentan er negativ, og útflutningurin er farin at vaksa. 

Frágreiðingin viðger, hvørji búskaparligu útlitini eru, og hvørja ávirkan korona hevur havt á búskapin.

Ferðingin uttanlands er minkað, men afturfyri hava vit brúkt meira heima í Føroyum. Búskaparráðið greinar, hvørja ávirkan tað hevur havt á búskapin, samstundis sum arbeiðsloysið er lítið.

Várfrágreiðingin hjá Búskaparráðnum verður løgd fram í skálanum í Norðurlandahúsinum hósdagin klokkan 10.