Minni vøkstur í Danmark fyrsta ársfjórðing

17.03.2021 - 11:05
AktueltPengar
Minni vøkstur í Danmark fyrsta ársfjórðing
Tá líður á árið, væntar tjóðbankin, at gongdin vendir, og at vøksturin verður størri enn mett
Jens Rohde er stjóri í danska tjóðbankanum
 

Danski tjóðbankin tillagar nú vónirnar um búskaparvøksturin í ár, skrivar Ritzau.

Tjóðbankin væntar, at vøksturin í dansku bruttotjóðarúrtøkuni verður 1,4 prosent fyrsta ársfjórðing í ár, og ikki 2,9 prosent, sum bankin annars hevði mett vøksturin til.

Tað er serliga lítla ferðin í danska samfelagnum í fyrsta ársfjórðingi, sum er orsøk til nýggju metingina.

Hinvegin væntar tjóðbankin, at vøksturin í seinnu helvt av árinum verður størri enn mett.

4,5 prosent vøkstur

Tjóðbankin væntar, at samlaði búskaparvøksturin í Danmark verður 4,5 prosent í ár, og ikki 3,3 prosent, sum metingin annars var.

Orsøkin til metta vøksturin er, at alsamt fleiri danir verða koppsettir, og at avmarkingarnar so líðandi fara at verða strikaðar, væntar tjóðbankin.

- Tað eru framvegis nógvar óvissur í metingunum, og tað kann vera, at vit tillaga tær, tá ferð aftur kemur á samfelagið, sigur Jens Rohde, stjóri í tjóðbankanum.

Bæði afturgongd og framgongd

Avmarkingarnar í Danmark hava elvt til, at ferðin á búskapinum í landinum er misjøvn.

Afturgongdin hjá handilsmiðstøðum, kaffistovum og matstovum hevur verið stór, síðani korona rakti landið.

Hinvegin hómast framgongd hjá matvøruhandlum, húsameklarum og í byggivinnuni, har eftirspurningurin er stórur.

Er kopiera
Nýggjastu sendingar í ÚV
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Hósdag 23. september
Góðan morgun Føroyar 23.09.2021
128941
Hósdag 23. september
Nón 22. september 2021
128935
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699