Magnus Heinason verður lagdur

Tá gamla havrannsóknarskipið, Magnus Heinason, kemur inn av Føroya banka nú fyrst í vikuni, fer hann ikki út aftur fyri Havstovuna.

Hann verður lagdur.

Jacob Vestergaard, landsstýrismaður, sigur, at ikki er gjørt av enn, hvussu verður við skipinum.

Bygdur í 1978

Magnus Heinason er bygdur í 1978, og tað er Landsstýrið, sum eigur Magnus Heinason.

Nýggja havrannsóknarskipið, Jákup Sverri, riggar nú til at fara til árligu millumlanda svartkjaftakanningarnar.

Hann hevur verið á beding í Havn, tí hann fekk ein skaða á skrúvuna.