Vilja hava neyvari hagtøl um matvørubanka

Neyv hagtøl skulu á borðið fyrst, áðrenn støða kann takast til ein matvørubanka.

Tað siga umboðini hjá samgonguni í Vinnunevndini hjá løgtinginum um uppskotið hjá Ingilín Didriksen Strøm í Javnaðarflokkinum um matvørubanka.

Tey siga, at eingi neyv tøl siga, hvussu nógvur matur fer til spillis.

Hesi tølini mugu fáast fyrst, áðrenn avgjørt verður, um matvørubanki ella okkurt annað skal stovnast.

Samgongan mælir frá at samtykkja uppskotið um matvørubanka.

Meirilutin í Vinnunevndini, sum andstøðan eigur, mælir til at samtykkja uppskotið. 

Upplýst verður í álitinum hjá Vinnunevndini, at landsstýrið arbeiðir við einari kunngerð um burturkast, sum millum annað umfatar matoyðsl.