Kommunan keypir pakkhúsið frá Faroe Ship

Tórshavnar kommunu skal lata Faroe Ship slakar fimm milliónir krónur fyri pakkhúsið á Eystaru bryggju.

Tórshavnar havn bygdi pakkhúsið í 1990. Síðani hevur Faroe Ship leigað tað.

Faroe Ship hevur umbygt pakkhúsið fyri góðar níggju milliónir krónur.

Partarnir eru samdir um, at hóskandi endurgjald er helvtin av íløgunum, Faroe Ship hevur gjørt.

Flyta í nýtt pakkhús

Eftir eru so fýra milliónir og 889.500 krónur, sum kommunan keypir pakkhúsið fyri næsta ár.

Ætlanin er, at Faroe Ship byggir nýtt pakkhús og flytur, tá nýggja havnin er liðug. 

Í 2010 samtykti býráðið at selja Faroe Ship pakkhúsið.

Men Kommunala eftirlitið kravdi, at pakkhúsið skuldi lýsast alment til sølu. Sølan bleiv av ongum.