Rúsevni: Avgerandi at lofta fólki tíðliga

Avgerandi er at lofta fólki tíðliga og hjálpa teimum fyri at fyribyrgja, at tey seinni fara at nýta rúsevni. 

Tað er fyribils niðurstøðan hjá teimum flestu, sum arbeiðsbólkurin, sum skal gera heildarætlan um at fyribyrgja og tálma rúsevnismisnýtslu í Føroyum, hevur tosað við.

Bólkurin hevur higartil tosað við 28 partar.

Men nógvir eru eftir, til dømis narkopolitiið og foreldur hjá ungum, sum hava rúsevnistrupuleikar, og 11 aðrir.

Nógv, sum higartil eru hoyrd, siga tað hava eina keðiliga ávirkan á rúsevnisnýtsluna í Føroyum, at so nógvir føroyskir fangar verða noyddir at sita í Danmark.

Eftir ætlan verður heildarætlanin løgd fram í summar.