Jenis bíðar eftir svari frá uttanlandsnevndini

Jenis bíðar eftir svari frá uttanlandsnevndini
Tað er ikki vist, at landsstýrismaðurin fær svar um radaran fyri páskir, sigur Bill Justinussen, formaður í uttanlandsnevndini
Jenis av Rana ætlaði at svara donskum myndugleikum um radaran á Sornfelli í gjár, men hann bíðar enn eftir uttanlandsnevndini
 
27.03.2021 - 17:30

Jenis av Rana, landsstýrismaður í uttanríkismálum, bíðar framvegis eftir svari frá uttanlandnevndini í málinum um ætlaða radaran á Sornfelli.

Men tað er ikki vist, at hann fær nakað svar fyri páskir, sigur Bill Justinussen, formaður í uttanlandsnevndini.

Jenis av Rana ráðførdi seg við uttanlandsnevndina um radaran mikudagin, og tá var ætlanin, at nevndin skuldi svara landsstýrismanninum hósdagin ella í gjár, so Jenis av Rana kundi senda donsku myndugleikunum svar upp á umbønina um at seta radara upp á Sornfelli.

Bill Justinussen sigur, at uttanlandsnevndin viðger framvegis málið, og tað er ikki vist, at nevndin verður liðug við viðgerðina fyri páskir.

Kanska onkur millumleikur

Spurdur, um uttanlandsnevndin nú fer at mæla landsstýrismanninum til at svara annaðhvørt ja ella nei at seta radaran upp, sigur Bill Justinussen, at kanska er onkur millumleikur eftir, áðrenn endalig støða verður tikin til spurningin. 

Tá ætlanin um at verja Arktis varð løgd fram í februar, segði Trine Bramsen, verjumálaráðharri, at undirtøka frá føroyskum og grønlendskum myndugleikum hevur avgerandi týdning.

Ætlaði radarin á Sornfelli verður mettur at kosta 390 milliónir kr. 

Tilsamans er ætlanin at brúka hálva aðru milliard krónur til verjutiltøk í Arktis til 2023. Eftir 2023 er ætlanin at brúka 300 milliónir kr. um árið.

Harumframt er ætlanin at brúka 750 milliónir til yvirvøku við dronum. 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585