- Tíðindi, mentan og ítróttur
Embætisfólk fara nú at samráðast um radaran
Embætisfólk fara nú at samráðast um radaran
Jenis av Rana, landsstýrismaður, væntar, at samráðingarnar verða lidnar í heyst
![](https://kvf.fo/sites/default/files/styles/grein-ovasta-mynd/public/sornfelli-3.jpg?itok=kwxOSszg)
Donsk og føroysk embætisfólk fara nú at samráðast um ætlaða radaran á Sornfelli
15.04.2021 - 14:35
Landstýrismaðurin í uttanríkismálum hevur í morgun havt fund við Trine Bramsen, verjumálaráðharra.
Har hava tey lagt ætlan fyri samráðingargongdina um ætlaða radaran á Sornfelli.
Jenis av Rana, landsstýrismaður, sigur, at nú fara embætisfólk í uttanríkistænastuni og verjumálaráðnum at samráðast um málið og viðgera spurningar og ivamál.
Hendir onki óvæntað, væntar landstýrismaðurin, at samráðingarnar verða lidnar einaferð í heyst.
Tá fer Jenis av Rana í Uttanlandsnevndina við samráðingarúrslitinum, áðrenn hann hittir Trine Bramsen, verjumálaráðharra, at gera eina møguliga avtalu um radaran.
Nýggjastu sendingar í ÚV
Nýggjastu sendingar í SV