Nógv færri rættarmál avgreidd í fjør

21.04.2021 - 15:00
AktueltSamfelag
Nógv færri rættarmál avgreidd í fjør
Í Føroya rætti eru nógv tey flestu rættarmálini borgarlig mál. Í fjør vóru tey 980 í tali
1.300 mál vórðu avgreidd í Føroya rætti í fjør, 700 færri enn árið fyri
 

Nógv færri mál vórðu avgreidd í Føroya rætti, Fútarættinum og Skiftirættinum í fjør enn árið fyri, vísa tøl hjá Hagstovuni. Sløk 4.000 rættarmál vórðu avgreidd í Føroyum í 2020.

Av hesum vóru umleið 1.300 rættarmál avgreidd í Føroya Rætti, gott 2.000 í Fútarættinum og sløk 500 mál í Skiftirættinum. Harafturat vóru umleið 80 mál avgreidd í Yvirfriðingarnevndini, skrivar Hagstovan.

Hetta er væl minni enn í 2019. Heili 700 færri mál vórðu avgreidd í Føroya Rætti, 350 færri mál í Fútarættinum og sløk 100 mál færri í Skiftirætinum. Í Yvirfriðingarnevndini er talið óbroytt.

980 borgarlig mál í fjør

Í Føroya Rætti eru nógv tey flestu málini - um 980 í fjør - borgarlig mál. Stutt kann sigast, at borgarlig mál eru mál, har ein borgari leggur sak móti øðrum borgara, fyritøku ella myndugleika. 

Borgarlig mál vóru upp á tað mesta í 2008. Tá vóru 2.000 mál av hesum slagnum. Siðani er tað minkað líðandi aftur, og er nú komið niður um 1.000, tað lægsta í hesi øldini.

Í 2013 vóru stívliga 800 revsimál í Føroyum. Síðani er tað minkað aftur, niður um 300, sum somuleiðis er tað lægsta í hesi øldini. Revsimál eru sakarmál viðvíkjandi lógarbrotum, ið kunnu viðføra revsing við bót, hefti ella fongsli.

Er kopiera
Nýggjastu sendingar í ÚV
Sunnudag 19. september
Bolero 19. september 2021
128774
Sunnudag 19. september
Guðstænasta í Gøtu kirkju
128766
Sunnudag 19. september
Credo: Kirkjan hon er eitt gamalt hús.
128628
Leygardag 18. september
Brunsj við Poul Rustin
128761
Leygardag 18. september
Jambalaja 180921
128758
Nýggjastu sendingar í SV
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699
Týsdag 14. september
VIDEO: 100 kvinnur maskinbinda
128599