Minst 44 fólk kroyst til deyða í Ísrael

Minst 44 fólk doyðu, tá ein pallur á einum festivali í Mount Meron í landnyrðingspartinum í Ísrael sakk saman hóskvøldið, skrivar bretska kringvarpið, BBC News.

Næstan 100.000 fólk vóru í gjár savnað, tá pallurin sakk saman. Minst 150 onnur fólk fingu eisini skaða, skrivar tíðindastovan, AP.

Hetta er fyrstu ferð síðani konufarsóttin tók seg upp, at so nógv fólk eru savnað á einari jødiskari høgtíð í Ísrael.

Sjónvarváttar søgdu í nátt okkara tíð sambært Times of Israel, at bjargingarfólk stríddust við at bjarga fastkleimdum fólkum úr mannamúgvuni.