Skuldsettur fyri drápshóttanir

Løgreglan ger í løtuni kanningar í einum máli, har ein maður skal hava hótt ein annan mann eftir lívinum.

Tað upplýsir vaktleiðarin í politistøðini fyri Útvarpinum.

Hendingin fór fram í Havn seinnapartin í gjár heima hjá tí eina manninum. 

Tað er avmarkað hvat vaktleiðarin kann siga um málið, tí kanningarnar og avhoyringarnar í málinum eru ikki lidnar. 

Greitt er tó, at maðurin, sum hótti hin eftir lívinum, verður skuldsettur fyri "trusler på livet" seinni í dag, sigur vaktleiðarin á Politistøðini í Havn.