NSÍ undir trýsti á heimavølli ímóti KÍ

NSÍ kann missa sambandið við oddin, meðan KÍ við einum sigri kann taka eitt stórt fet móti føroyameistaraheitinum, tá liðini bæði hittast við Løkin í Runavík í kvøld.

Undan dystinum eru 10 stig ímillum KÍ á 1. plássi og NSÍ og 4. plássi, men tapa runavíkingarnir kunnu HB og Víkingur fara eitt sindur longur frá NSÍ í oddastríðnum.

KÍ er í sera góðari støðu. Klaksvíkingarnir hava vunnið 10 og spælt ein javnleik higartil, og eru í løtuni sjey stig frammanfyri HB á 2. plássi, men eingin ivi er um, at teir bláu fara til Runavíkar fyri at vinna.

Liðini hava bert spælt ein dyst ímóti hvørjum øðrum í landskappingini higartil. Tann dystin vann KÍ 2-0 á heimavølli. Hinvegin vann NSÍ 2-1 við Djúpumýru í 1. umfari av steypakappingini í einum dysti, sum vísti, at tað ber til at vinna á suverena oddaliðnum.

Dysturin í kvøld byrjar klokkan 19:00, og Kringvarpið sigur frá dystinum í útvarpinum.