Seks tilburðir í gjár

Seks koronutilburðir vórðu staðfestir í gjár, og nú eru tilsamans 37 fólk smittað.

Allir tilburðirnir hava samband við kenda smittuketu, sigur landslæknin.

1.332 kanningar vórðu gjørdar seinasta samdøgrið, og nú eru gjørdar tilsamans umleið 274.000 koronukanningar.

Fleiri enn 300 fólk eru í sóttarhaldi.

1100 fólk koppsett

Í gjár vórðu 1.106 fólk koppsett, 168 fólk fingu fyrra prikið, og 938  fingu tað seinna.

Tilsamans eru 31.823 koppsetingar gjørdar í Føroyum.

20.618 fólk, 38,7% av fólkatalinum, hava fingið fyrru koppsetingina.

11.205 fólk, 21,1% av fólkatalinum, hava fingið seinna prikið, og eru liðugt koppsett.