10 mánaða treytaleysa fongsulsrevsing

10 mánaða treytaleysa fongsulsrevsing
17 ára gamli maðurin er dømdur fyri annað kynsligt samband enn neyðtøku við eina 14 ára gamla gentu
Bæði ákæruvaldið og dømdi maðurin umhugsa nú, um dómurin hjá Føroya rætti skal roynast í Landsrættinum
 
01.06.2021 - 09:48

Ein 17 ára gamal maður fekk 10 mánaða treytaleysa fongsulsrevsing í Føroya rætti í gjár.

Hann varð tó fríkendur fyri tyngstu ákæruna, sum var um neyðtøku.

Kravið hjá ákæruvaldinum var trý ára fongsulsrevsing, um herðingin í donsku revsilógini um revsing fyri neyðtøku eisini er í føroysku revsilógini, og tvey ár, um herðingin ikki er í føroysku lógini.

Føroya rættur sigur, at herðingin er ikki galdandi í Føroyum.

Tann spurningurin er annars farin í Landsrættin í einum øðrum revsimáli.

Annað kynsligt samband enn neyðtøku

17 ára gamli maðurin er dømdur fyri annað kynsligt samband enn samlegu við eina 14 ára gamla gentu.

Hann er eisini dømdur fyri annað kynsligt samband við eina aðra kvinnu og fyri blygdanarskemd, tí hann skal hava víst fyri sær og gjørt seg inn á eina kvinnu afturat.

Hetta skal vera hent á Tvøroyri í februar, mars og í apríl. Maðurin hevur verið í varðhaldi síðani 11.apríl.

Hann noktaði seg sekan, og verji hansara kravdi frídøming.

Nøkur vitni vóru avhoyrd í rættinum í gjár.

Vildi lata mannin leysan

Ákæruvaldið bað um, at maðurin verður verandi í varðhaldinum, til hann skal sita dómin.

Men tað vildi rætturin ikki. Hann vildi lata mannin leysan. Hendan úrskurðin skeyt ákæruvaldið inn fyri Eystara landsrætt.

Til svar kemur haðani, verður maðurin í varðhaldinum.

Tvær av teimum trimum kvinnunum fáa, sambært dóminum, endurgjald.

Bæði ákæruvaldið og dømdi maðurin umhugsa nú, um dómurin hjá Føroya rætti skal roynast í Landsrættinum. 

17 ára gamli maðurin er ikki mentalkannaður, og hann er mettur at vera egnaður til fongsulsrevsing.

Er kopiera
Nýggjastu sendingar í ÚV
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettup
216723
Fríggjadag 20. november
RagnarRokk:Chris Flynn um Dreams of the Disappeared
215804
Hósdag 19. november
RagnarRokk 19.november 2026
216177
Nýggjastu sendingar í SV
Fríggjadag 20. november
Dagur og vika - teknmálstulkað
216714
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592
Týsdag 17. november
Veðrið
216565