Bretland: Tekin um triðju alduna

Triðja aldan av koronu er ávegis í Bretlandi. Tað sigur Ravi Gupta, professari, sum ráðgevur stjórnini í koronaspurningum, við BBC.

Hann sigur, at tilburðirnir ikki eru so nógvir enn, men líkt er til, at tað er indiska slagið av koronu, sum nú fer at gera um seg.

Í gjár vórðu 3.000 nýggir tilburðir av koronu í Bretlandi, tilburðirnir eru øktir hvønn dag, seinastu fimm dagarnar.

– Allar aldur byrja smáar, men tær vaksa spakuliga, og tað hevur týdning at siga, at triðja aldan er á veg, sigur Ravi Gupta við BBC.