Átta smittutilburðir í gjár

Átta koronutilburðir vórðu staðfestir í gjár, mikudagin.

Sjey av teimum smittaðu eru í kendari smittuketu, men tað er ikki greitt, hvussu tað áttanda fólkið er smittað.

Fimm av teimum smittaðu hava ikki verið í sóttarhaldi, sigur landslæknin.

Í løtuni hava 43 fólk í Føroyum smittuna, tað sum heilsumyndugleikarnir í Føroyum vita um. 

1121 kanningar vórðu gjørdar seinasta samdøgrið. 395 fólk eru í sóttarhaldi.

Fyrsti tilburðurin í Føroyum varð staðfestur 3. mars í fjør, og nú hava tilsamans 731 fólk í Føroyum fingið staðfest smittuna.