Biden farin á sína fyrstu uttanlandsferð

Amerikanski forsetin, Joe Biden, er farin á sína fyrstu uttanlandsferð, eftir at hann gjørdist forseti. Leiðin gongur til Evropa, har hann millum annað skal á G7-toppfund.

Joe Biden byrjar ferðina í Bretlandi, hagar hann kom í gjár. Hann skal hitta bretska forsætisráðharran, Boris Johnson, og Elizabeth drotning. Í morgin og ovurmorgin er fundur við hini G7-londini á skránni. Tað er fyrstu ferð, síðani koronasmittan fór at gana, at leiðararnir í G7-londunum hittast.

Seinni í vikuni fer Biden til Brússel. Fyrst skal hann á fund við NATO, sum er er verjusamgongan millum lond í Vesturevropa og USA. Síðani fer hann á ein sjáldsaman ES-toppfund. Alment er boðað frá, at tann fundurin fer at snúgva seg um handil og tøkni.

Áðrenn Biden fer heimaftur, fer hann at hava fund við russiska forsetan, Vladimir Putin, sum verður í Genéve mikudagin.