- Tíðindi, mentan og ítróttur
Danmark letur meira upp
Danmark letur meira upp
Frá í morgin kunnu matstøð og skeinkistøð hava opið til á midnátt, og frá 15. juni verður loyvt at hava oipið til klokkan tvey um náttina
Mynd: DR
10.06.2021 - 08:59
Allir flokkar í fólkatinginum, uttan Nýggju Borgarligu, eru samdir um, hvussu tað skal gerast liviligari aftur í Danmark eftir koronu.
Flokkarnir samráddust í 12 tímar út í eitt og samdust um, at 14. juni kunnu fólk gevast at bera masku, uttan í bussum og tokum, tá fólk ikki sita. Fólk kunnu gevast at nýta maskur frá 1. september.
Frá í morgin kunnu matstøð og skeinkistøð hava opið til á midnátt, og frá 15. juni verður loyvt at hava oipið til klokkan tvey um náttina.
Frá 1. juli verður kravið um frástøðu slept á matstovum og aðrastaðni, har fólk sita.
Frá 1. september kann náttarlívið aftur virka, sum vanligt hevur verið, men krav um koronapass verður verður galdandi til 1. oktober, skrivar DR.
Nýggjastu sendingar í ÚV
Nýggjastu sendingar í SV