Fólkaheilsustýrið: Føroyingar viga ov nógv og gerast alsamt tyngri

5.000 føroyingar hava luttikið í kanningini "Hvussu hevur tú tað?" um heilsu, sjúku og trivna, ið Fólkaheilsuráðið hevur skipað fyri. 

Vár Honnudóttir, verkætlanarfólk hjá Fólkaheilsustýrinum, má bara staðfesta, at tølini lúgva ikki: Føroyingar viga ov nógv. Og satt at siga, so gongur tað bara ein veg hjá føroyingum, og tað er skeiva vegin, vísir hon á. 

- Í 2023 høvdu 66 prosent av Føroyum eitt BMI á 25 prosent ella hægri, sigur Vár Honnudóttir. 

Vár Honnudóttir, Fólkaheilsustýrið

Vár Honnudóttir, verkætlanarfólk í Fólkaheilsuráðnum (Mynd: Bjarni Árting Rubeksen)

Menn eru feitari enn kvinnur

Tað eru fleiri menn enn kvinnur, ið hava eitt BMI á 25 ella hægri. Hjá báðum kynum eru tað serliga tey í aldrinum 55 til 64 ár, ið viga mest, og aftur í hesum føri eru tað menninir, sum eru í tyngra lagi. 

Hóast støðan ikki er eins ring allastaðni, so er gongdin hin sama kring allan heim, og alsamt fleiri fólk liva við yvirvekt. Føroyingar viga fjórð mest í øllum heiminum. Yvirvekt er ein alheims fólkaheilsutrupulleiki og viðvirkar til aðrar sjúkur.

- Støðan má takast í álvara, sigur Vár Honnudóttir.