Sinnisbati: Vit eiga at megna at lofta fleiri sjálarsjúkum børnum og ungum

Vit hava tørv betri mannagongdum, ið kunnu hjálpa børnum og ungum, sum eru sálarsjúk.

Tað heldur Súsanna Olsen, forkvinna í Sinnisbata.

"Betri samstarv millum ymisku geirarnar fer at hava við sær, at vit kunnu lofta fleiri í Føroyum, heldur enn at senda tey til Danmarkar at fáa viðgerð." 

Tað er ikki bara psykiatriin ella specialpedagar hjá Alamnaverkinum, sum skulu viðgera, tað má vera tvørfakligt. 

Kostar 26 mió. kr. 

Súsanna Olsen, forkvinna í Sinnisbata, vísir á, at í Ísland hava tvørfaklig samstørv givið góð úrslit. 

"Tí vit eiga at megna at lofta fleiri, enn vit gera nú," heldur forkvinnan í Sinnisbata. 

Tá tað er sagt, so ásannar Súsanna Olsen, at tað í summum førum er neyðugt, at børn og ung fara til Danmarkar at fáa viðgerð. 

Tað kostar í løtuni Almannaverkinum 26 milliónir krónur at hava átta børn og ung á viðgerðarstovni í Danmark, tí tey hava sosialar og sálarligar avbjóðingar.