Guðmundur gevst á Ítróttaháskúlanum

Ítróttaháskúlin í Suðuroy skal hava nýggjan leiðara.

Guðmundur Joensen hevur verið leiðari seinastu fimm árini, men nú fer hann at royna nýggjar leiðir.

- Guðmundur Joensen hevur verið ímyndin av Ítróttaháskúlanum í Suðuroy, og vit eru ómetaliga takksom fyri tað stóra arbeiðið, sum Guðmundur hevur lagt í at byggja upp hetta einastandandi skúlatilboðið, sum eisini er eitt stórt aktiv fyri nærumhvørvið, sigur Dennis Holm, stýrisformaður fyri Ítróttaháskúlan í Suðuroy. 

Stýrið fyrireikar nú lýsingina eftir nýggjum leiðara, og lýst verður eftir summarfrítíðina.