100 ár við kommunismu í Kina

Leiðarin fyri kinesiska kommunistaflokkin, og leiðarin í landinum, Xi Jinping, helt í dag ein hvassorðaða røðu fyri stórari mannamúgvu, sum rópti fagnaðarróp.

100 ár eri liðin síðani 12 menn hildu fyrsta fundin í kinesiska kommunistaflokkinum. Fundurin varð hildin í Shanghai.

Á fundinum var millum annað Mao Zedong. 

Í 1949 fekk flokkurin valdið í Kina.

Kina

Núverðandi leiðarin í Kina og fyri kommunistaflokkinum, Xi Jinping, er lýstur sum máttmiklasti leiðari síðani Mao.

Hann hevur gjørt flokkin valdsmiklari og landið til størri einaræði.

Xi helt í dag røðu fyri 70.000 fólkum á Himmalska friðartorginum í Beijing.

Kina

Í taluni ávaraði hann umheimin og kanska serliga USA um, at einki útlendskt veldi skal happa, kúga ella trælka Kina.

"Høvdið á tí, sum torir at gera tað, verður knúst móti stóra múrinum av stáli, sum 1,4 milliardir kinesarar hava reist," segði Xi.

Sambært Xi, skal eingin undirmeta viljan ella førleikan hjá kinesiska fólkinum at verja einaræði hjá Kina.

Kina 4

Xi lovaði eisini at sameina Kina og Teivan, og vissaði um, at allar royndir hjá Teivan at gerast sjálvstøðugt verða sundursorlaðar.

Xi vísti í røðuni eisini á væleydnað búskaparlig úrslit og á onnur góð úrslit síðani Kommunistaflokkurin fekk valdið í 1949. 

"Bara sosialisma kann bjarga Kina," segði Xi Jinping.

Kina kommunisma 100 ár