Umhvørvisstovan skal gjalda Sunda kommunu 61.000 kr.

Sunda kommuna skal gjalda Umhvørvisstovuni 72.568 kr. umframt rentu frá 25.januar 2016.

Hetta er nógv minni enn Føroya rættur segði.  

Men Umhvørvisstovan skal gjalda kommununi 61.000 kr. í sakarkostnaði.

Tað hevur Eystari landsrættur avgjørt.

Matrikulmál

Talan er um eitt matrikulmál.

Umhvørvisstovan vildi hava 1000 kr. fyri fermeturin, tá hon matrikuleraði eina útfylling í havnini í Hvalvík. 

Hon metti, at tað var marknaðarvirðið fyri økið. Og økið er 5,5 mió kr. vert, segði Umhvørvisstovan.  

Og matrikulgjaldið var so tvey prosent av virðinum.

Kravdi ov nógv

Men Sunda kommuna segði, at økið var verri enn so tað vert. Tað var bara tvær milliónir krónur vert.

Kommunan tapti tá í Føroya rætti. Sunda kommuna appelleraði til Landsrættin og vann har.

Landsrætturin gav kommununi viðhald í, at stykkið er bara tvær mió. kr. vert, og kostar tí 361 kr., ikki 1.000 kr., fyri fyri fermeturin.