Seinastu vitnini eru hoyrd

02.07.2021 - 18:02
Aktuelt112
Seinastu vitnini eru hoyrd
Millum vitnini í dag vóru starvsfólk hjá Føroya Tele og ein teirra, sum sat í varðhaldi við tí ákærda
 

Seinastu vitnini vóru í dag avhoyrd í rættarmálinum móti einum 26 ára gomlum manni, sum er ákærdur fyri manndráp. 

Sambært ákæruritinum, er maðurin ákærdur fyri um náttina 20. november 2012 at hava dripið 16 ára gomlu Mariu Fuglø Christiansen við á ógreiðan hátt at hava tveitt ella skumpað hana á sjógv, fyri síðani at vera farin frá henni, so at hon druknaði. 

Ákæruvaldið er nú farið í holt við at leggja fram skjøl og prógv í málinum. 

Síðsta vitnið hjá verjanum var ein teirra, ið hevur sitið í varðhaldi saman við tí ákærda í Mjørkadali. 

Sambært vitninum royndi løgreglan at fáa hann at fáa upplýsingar úr tí ákærda um hendingina, tá fyrrverandi unnustan druknaði. 

- Løgreglan bleiv við at trýsta meg til at spyrja ákærda um málið, greiddi hann frá.

Hann spurdi tó ikki ákærda um málið, og tosaðu teir báðir heldur ongantíð um tað. Hetta hóast løgreglan bjóðaði honum ymiskar ágóðar fyri at gera tað, segði hann. 

Spurdur, hvussu hansara samband er við politiið, viðgekk hann, at tað ikki er serliga gott, tí hann er handtikin fleiri ferðir. 

Brek á telefonini
Millum tey sum vitnaðu í morgun vóru eisini tvey starvsfólk hjá Føroya Tele í Klaksvík. 

Tað var fyri at svara nøkrum spurningum um telefonina hjá tí ákærda, sum hann læt inn til verkstaðið dagin eftir, at fyrrverandi unnustan druknaði.

Sambært ákærda gjørdi hann hetta, tí hann hevði trupulleikar við, at fartelefonin breyt av, tá hann tosaði í telefon ella ikki vildi ringja. 

Ákæruvaldið hevur áður víst á, at tá fartelefonin kom aftur úr Danmark hevði verkstaðið ikki staðfest nakað brek á henni.

Tey bæði greiddu nevningartingingum frá, at tað ikki er óvanligt, at fartelefonir kunnu hava brek, ið bara seg galdandi í avmarkaða tíð ella bara í Føroyum. 

Harumframt var tað vanligt um hetta mundi, at fartelefonir høvdu trupulleikar við at fáa samband við telenetið og 3G-netið. 


 

Er kopiera
Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699