Útbyggingar av smoltstøðum fingið góðkenning

Smoltstøðirnar hjá Bakkafrost Farming í Glyvradali og á Norðtoftum hava fingið dagførdar umhvørvisgóðkenningarnar í sambandi við útbyggingar

Støðirnar hava vatnreinsiskipanir, so vatnið verður endurnýtt.

Dentur er lagdur á, at skarn og fóðurrestir ikki gera, at tilfar hópast upp á botni ella elva til aðra sjónliga dálking á staðnum. 

Bakkafrost Farming skal kanna botnin við munnan á spillvatnsútleiðingini. 

Avgerðin hjá Umhvørvisstovuni kann kærast til landsstýrismannin í umhvørvismálum. 

Kærurætt hava tey, sum avgerðin hevur ein serstakan, beinleiðis og persónliga týdning fyri. 

Kærufreistin er til 3.august.