Koppsetingarætlanin framskundað tvær vikur

Føroyska koppsetingarætlanin verður nú framskundað tvær vikur.

Í sambandi við, at munandi fleiri koppingarevni koma til Føroya í næstum, hevur koppsetingarbólkurin dagført koppsetingarkalendan.

Koppsetingarbólkurin metir nú, at øll, sum eru 16 ár og eldri, verða liðugt koppsett í viku 34 - tað er frá 23. til 29. august. Eftir gomlu ætlanini skuldu hesi verið liðugt koppsett í viku 36, altso tvær seinni enn nýggja ætlanin sigur.

Væntandi hava øll fingið fyrstu koppsetingina í boði áðrenn ólavsøku, verður sagt úr Heilsumálaráðnum.

Koppsetingarbólkurin hevur enn ikki tikið støðu til, um tey í aldursbólkinum 12-15 ár skulu fáa tilboð um koppseting. Arbeitt verður við tí málinum, verður sagt.