Sverri á stórskíggja í heimbygdini

Miðvágs róðrarfelag og Vága kommuna skipa fyri, at OL finalan hjá Sverra Sandberg Nielsen verður víst á stórskíggja í heimbygdini Miðvági í kvøld og í nátt. 

Stórskíggi er settur upp á veggin á bygdarskúlanum oman móti fótbóltsvøllinum. 

Tiltakið verður úti og har er nógv pláss.

Skíggin verður tendraður kl.23.00, og Miðvágs róðrarfelag fer at selja okkurt til matna og at drekka. 

Hans og Sámal Ravnsfjall fara at spæla nakrar sangir.

Sambært tíðarætlanini verður sjálv finalan kl.01.45 í nátt.