Boða frá 48 hitastigum í Spania

Í Spania verður ávarað um vandamiklan hita í tíggju landspørtum. Hitin kann koma upp í 48 stig, og tað er met. Í Italia fer hitin væntandi eisini at seta met.

Í Grikkalandi hevur eisini verið óvanliga heitt, men nú er hitabylgjan har linkað nakað.

Chris Fawkes, sum er veðurfrøðingur hjá BBC, sigur, at hitabylgjan fer at raka Suðurevropa, Afrika og Norðuramerika næstu dagarnar. 

Í londunum við Miðjarðarhavið fer hitin væntandi upp um 45 stig.

Í Tunesia í Norðurafrika kunnu tey vænta upp í 50 hitastig, og á oynni Sisilia, sunnan fyri Italia, vera helst 47 stig, sigur veðurfrøðingurin.

Tað er tann óvanliga heita luftin yvir Norðurafrika og stóra hátrýstið yvir Miðjarðarhavinum, sum elva til nógva hitan.

Í summar hevur verið ógvusligt veður hvønn vegin. Summi hava havt hitabylgju og skógareld, og aðrastaðni hevur verið vatnflóð.

Mánadagin kom veðurlagsnevndin hjá ST við síni sættu frágreiðing. 

Nevndin ávarar um, at hitabylgjur fara at vera vanligari í framtíðini, og skerpingur verður eisini nógvastaðni.