Nú eru vit 53.400 fólk í Føroyum

16.08.2021 - 11:03
AktueltSamfelag
Nú eru vit 53.400 fólk í Føroyum
Seinasta árið løgdust 796 fólk aftrat fólkatalinum, og vøksturin er hálvt annað prosent samanborið við 1. juli í fjør.
Fólkatalið 1. juli var 53.400. Størsti vøksturin seinasta árið var í høvuðsstaðarkommununi. Henda myndin er tikin ólavsøkudag.
Mynd: Bjarni Árting Rubeksen  
 

Nú búgva 53.399 fólk í Føroyum, vísa nýggjastu tølini hjá Hagstovuni.

Seinasta árið løgdust 796 fólk aftrat fólkatalinum, og vøksturin er hálvt annað prosent samanborið við 1. juli í fjør.

Burðaravlopið seinasta árið var 333 fólk, og nettoflytingin var 453 fólk.

Samanborið við undanfarna 12 mánaðarskeiðið er nettoflytingin 209 fólk minni, og burðaravlopið er 38 størri.

Seinastu tvey árini eru netttoflytingin minkað, men samstundis er burðaravlopið vaksið. 

Størsti vøkstur í høvuðsstaðarkommununi

Fólkaríkastu kommunurnar eru framvegis Tórshavnar-, Klaksvíkar- og Runavíkar kommunur, og minstu kommunurnar eru Fugloyar-, Skúvoyar- og Fámjins kommunur.

Fólkatalið vaks mest í Tórshavnar kommunu, 397 fólk, meðan størsta afturgongdin var í Eiðis- og Vestmanna kommunum, har sjey fólk fluttu úr kommununum. 

Í prosentum vaks fólkatalið mest í Hovs kommunu, 6,2 prosent, ella seks fólk. Síðani kemur Sands kommuna, har vøksturin var 3,6 prosent, ella 19 fólk. 

Størsta afturgongdin var í Fugloyar kommunu, 2,6 prosent, ella eitt fólk. 

Sí meira um fólkatalið her.

 

Er kopiera
Nýggjastu sendingar í ÚV
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Hósdag 26. mai
RagnarRokk 26.mai 2022
139459
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968