- Tíðindi, mentan og ítróttur
Hava fiskað 55.000 tons av makrelkvotuni
Hava fiskað 55.000 tons av makrelkvotuni
Í løtuni eru skipini í altjóða sjógvi, beint norðan fyri føroyska markið
Makrelkvotan í ár er 167.000 tons, og higartil eru 55.000 tons fiskað.
24.08.2021 - 10:10
Til á midnátt fríggjadagin vóru fiskað 55.000 tons av føroysku makrelkvotuni, helvt um helvt í føroyskum sjógvi og altjóða sjógvi.
Føroyska makrelkvotan er 167.000 tons í ár.
Í løtuni eru skipini í altjóða sjógvi, beint norðan fyri føroyska markið.
Sleppa ikki í norskan sjógv
Føroysku skipini sleppa ikki enn í norskan sjógv, tí kunngerðin um atgongd í norskan sjógv er ikki lýst enn.
Føroyar og Noreg gjørdu 16. juli avtalu um makrelin í norskum sjógvi og í føroyskum sjógvi.
Við avtaluni fingu Føroyar møguleikan at fiska helmingin av føroysku makrelkvotuni í ár í norskum sjógvi. Talan er um 83.524 tons.
Og Noreg fekk rætt til at fiska somu nøgd í føroyskum sjógvi.
Er kopiera
Nýggjastu sendingar í ÚV
Nýggjastu sendingar í SV
