Kanna drápsmál á sjúkrahúsi í Reykjavík

Løgreglan í Reykjavík kannar eitt drápsmál í sambandi við, at ein 60 ára gomul kvinna doyði á Landspitalinum fyrr í hesum mánaðinum.

Í fráboðan frá løgregluni stendur, at málið verður kannað sum dráp.

Løgreglan upplýsir, at kanningarnar í málinum hava gingið væl. 

Mikudagin varð ein kvinna um 60 ára aldur varðhaldsfongslað í eina viku í sambandi við kanningar í málinum.

Løgreglan vil ikki siga meira um málið, skrivar íslendska kringvarpið, RÚV.