Eingin amerikanskur hermaður eftir í Afganistan

Eingin amerikanskur hermaður eftir í Afganistan
Millum 100 og 200 amerikanskir ríkisborgarar eru eftir í Afganistan, og teir vilja eisini sleppa av landinum
Seinastu flogførini við amerikanskum hermonnum fóru úr Kabul í gjárkvøldið.
 
31.08.2021 - 08:50

Síðstu amerikansku hermennirnir eru nú farnir úr Afganistan. Umleið klokkan 20.30 okkara tíð í gjárkvøldið fór síðsta amerikanska hernaðarflogfarið á flog úr Hamid Karzai floghavnini í Kabul.

Amerikanski uttanríkisráðharrin, Antony Blinken, váttar, at enn eru millum 100 og 200 amerikanskir ríkisborgarar í Afganistan, sum vilja sleppa úr landinum. Myndugleikarnir í USA ætla framvegis at royna at hjálpa teimum heim, men tað verður uttan amerikanska hernaðarmegi í landinum.

6.000 hermenn

Teir knapt 6.000 amerikansku hermennirnir, ið hava staðið fyri trygdini uttan fyri flogvøllin í Kabul, eru farnir heim, og tað fer at broyta trygdarstøðuna í Afganistan. Tað heldur David Vestenskov, sum er høvuðsráðgevi hjá danska Verjuakademiinum.

- Vit fara iki at síggja hermenn úr vesturheiminum aftur í Afganistan í nøkur ár. Men amerikanskar fregnartænastur fara framvegis at hava eyguni við hóttanum um yvirgang, sum kunnu raka okkum, sigur David Vestenskov.
 

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585