Álvarsligt ferðsluóhapp í Havn í nátt

Eitt álvarsligt ferðsluóhapp var í Havn í nátt. Stutt fyri klokkan 1 í nátt stoyta ein skutari og ein bilur saman á krossinum við Grønlandsvegin og Jóannes Patursonargøtu. Tveir ungir dreingir sita á skutaranum, og teir koyra út fyri ein bil, hóast teir hava treytaleysa víkiskyldu. 
Løgreglan sigur, at dreingirnir fingu álvarsligan skaða skaða í óhappinum. 

Skutarar eru ein vaksandi avbjóðing, sigur løgreglan. Vakthavandi sigur, at tey ungu fyri tað mesta eru røsk at taka koyrikort og hava síni viðurskifti í lagi, men tað kemur ofta fyri, at løgreglan kemur fram á skutarar, sum eru bygnaðarbroyttir til at koyra skjótari enn loyvt er. Samstundis kemur tað eisini ofta fyri, at ung verða tikin uttan koyrikort til skutara.