Veljarakanningar: Reyði vongurin vinnur í Noregi

Veljarakanningar: Reyði vongurin vinnur í Noregi
Stóru flokkarnir, Arbeiðaraflokkurin, Høgri og Framburðsflokkurin, missa allir atkvøður á stórtingsvalinum í dag
Alt bendir á, at Erna Solberg, forsætisráðharri, noyðist at lata stjórnarvaldi frá sær til Jonas Gahr Støre, formann í Arbeiðaraflokkinum.
Mynd: Reuters  
 
13.09.2021 - 08:46

Stórtingsval er í Noregi í dag, og líkt er til, at borgarliga samgongan hjá Ernu Solberg, forsætisráðharra, missir valdið, og at vinstravongurin við javnaðarmanninum, Jonas Gahr Støre, á odda, fer at vinna valið.

Norska TV2 og Kantar hava lagt allar veljarakanningarnar saman, sum eru gjørdar hesaferð, og líkt er til, at stóru flokkarnir, Arbeiðaraflokkurin, Høgri og Framburðsflokkurin  allir missa atkvøður.

Sambært veljarakanningunum minkar Arbeiðaraflokkurin niður í 23,6 prosent av atkvøðunum, sum er vánaligasta úrslitið síðani í 1924.

Høgriflokkurin missir eisini nógv, og fær 19,8 prosent, sum er vánaligasta úrslitið síðani í 2009.

Framburðsflokkurin, sum er minkaður nógv seinastu árini, fær 10,7 prosent, sum er vánaligasta úrslitið síðani í 1993.

Eftir kanningunum fær vinstravongurin tilsamans 105 limir í stórtingið, 85 av teimum fara at umboða nýggju stjórnina hjá Jonas Gahr Støre, og borgarligi vongurin fær 67 tinglimir.
 

Er kopiera
Nýggjastu sendingar í ÚV
Nýggjastu sendingar í SV
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652