Bara tveir menn vóru við Eivindi

Bara tveir menn vóru við Eivindi, tá hann sigldi á Flesjarnar 2.august.

Manningarskjalið hjá skipinum sigur, at minst seks fólk skulu vera í manningini.

Hans Johannes á Brúgv, stjóri í Sjóvinnustýrinum, sigur, at enn er ikki gjørt av, um hetta skal latast fútanum, tí talan er um brot á manningarlógina.

Heldur ikki er ikki greitt enn, um annað í frágreiðingini hjá donsku skaðanevndini gevur Sjóvinnustýrinum orsøk til at venda sær til fútan.

Tá uppsjóvarskipið Artic Voyager sigldi á land í Fuglafirði fyrst í november 2019, vóru eisini ov fáir menn við.

Men tað fór ikki til fútan.