Breið semja millum hoyringspartar

Breið semja tykist vera millum hoyringspartarnar um uppskotið, sum regulerar hvør kann keypa sær fastogn í Føroyum. 
Flest allir hoyringspartar taka undir við uppskotinum, hóast teir hava ymiskar viðmerkingar. 

Fimm ár

Uppskotið snýr seg í høvuðsheitum um, at útlendingar ella feløg skulu hava búð í Føroyum í minsta lagi í fimm ár, áðrenn tey kunnu keypa fastogn í Føroyum. Hevur persónurin ella felagið ikki havt búðstað í landinum í fimm ár, krevst loyvi frá landsstýrismanninum. 

Føroya rættur, Brúkaraumboðið, Megd, BLF, Skráseting Føroya, Tinglýsingin, Betri heim, Kommunufelagið og fleiri aftrat hava  havt uppskotið til hoyringar.